الكبسة بالفراخ من أشهر الأكلات الخليجية اللي انتشرت ف بيوت كتير في الوطن العربي، واللي بيميزها إنها أكلة متكاملة وغنية بالنكهات. الكبسة مش بس رز وفراخ، لكنها مزيج من البهارات والتوابل اللي بتديها طعم أصيل يخليها طبق مميز على أي سفرة.
المكونات:
للفراخ:
1 فرخة كاملة (مقطعة 8 قطع).
2 ملعقة كبيرة عصير ليمون.
ملح + فلفل أسود.
نصف ملعقة صغيرة كركم.
للرز والخلطه:
3 كوب رز بسمتي منقوع نصف ساعة.
3 بصلات كبار مفرومين.
4 فصوص ثوم مفروم.
2 ثمرة فلفل أخضر حامي أو رومي.
2 طماطم مبشورة.
2 ملعقة كبيرة صلصة طماطم.
1 جزرة مبشورة (اختياري للون وطعم).
4 ملاعق كبيرة زيت أو سمن.
بهارات الكبسة:
4 حبهان (هيل).
2 ورق لورا.
2 عود قرفة.
4 قرنفل.
1 لومي مجفف (ليمون أسود).
نصف ملعقة صغيرة كمون.
نصف ملعقة صغيرة كزبرة ناشفة.
نصف ملعقة صغيرة قرفة مطحونة.
نصف ملعقة صغيرة بهارات مشكلة أو بهارات كبسة جاهزة.
خطوات التحضير:
تجهيز الفراخ:
1. اغسلي الفراخ كويس بمياه وملح وليمون، وبعدها صفيها.
2. تبّليها بعصير الليمون، الملح، الفلفل، والكركم، وسيبيها ترتاح 15 دقيقة.
عمل الخلطة:
3. في حلة كبيرة، سخني الزيت وضيفي البصل لحد ما لونه يبقى دهبي.
4. ضيفي الثوم المفروم وقلبي لحد ما يطلع ريحته.
5. نزلي بالطماطم المبشورة + صلصة الطماطم + الجزر المبشور وقلبي.
6. ضيفي الفراخ المتبلة وسيبيها تتحمر من كل الجوانب لحد ما تاخد لون.
إضافة البهارات:
7. ضيفي البهارات الكاملة (الحبهان – ورق اللورا – القرفة – القرنفل – اللومي).
8. ضيفي كمان البهارات المطحونة (كمون – كزبرة – قرفة – بهارات مشكلة).
9. قلبي المكونات كلها مع بعض عشان الفراخ تتشرب الطعم.
التسوية:
10. صبي حوالي 4 كوب مياه مغلية على الفراخ وسيبيها تغلي 20 دقيقة.
11. طلّعي الفراخ من الحلة وحطيها على جنب، وسيبي الشوربة على النار.
تسوية الرز:
12. اغسلي الرز البسمتي وصفيه من المياه.
13. ضيفي الرز على الشوربة، وخلي المياه تغطي الرز بمقدار 1 سم زيادة.
14. قلبي الرز مرة واحدة، غطي الحلة، وسيبيه على نار هادية لحد ما يستوي ويتفلفل.
تحمير الفراخ:
15. في طاسة تانية، حمّري الفراخ في شوية زيت أو تحت الشواية لحد ما تاخد لون دهبي جميل.
التقديم:
افردي الرز في طبق تقديم كبير، ورصي الفراخ فوقه.16
17. زيّني الوجه باللوز أو الصنوبر المحمص، وممكن تضيفي زبيب حسب الرغبة.
18. قدمي الكبسة جنب سلطة لبن بالخيار أو سلطة خضراء.
نصائح لنجاح كبسة الفراخ:
دايمًا استخدمي رز بسمتي عالي الجودة عشان يديكي نتيجة مفلفلة.
اللومي المجفف (الليمون الأسود) من أهم أسرار الكبسة، بيديله طعم مدخن مميز.
لو بتحبي الكبسة سبايسي، ممكن تزودي ف
لفل حار أو شطة بودرة مع البهارات.
لو عاوزة الكبسة شكلها أفخم في التقديم، قدميها في صينية واسعة ورصي الفراخ في النص والمكسرات حوالين الرز.